De Neien Guide du Futur Diplomé ass do!

24.06.2014 16:28

De Neien Guide du Futur Diplomé ass do!

Premiere Exame si geschriwwen an och op der Uni hunn vill Studenten hire leschten Examen schonn hannert ech bruecht. Mee wei geet et elo weider? Sicht een en Job, mëscht een en Doktorat oder e weidert Studium? Fir all dës Froen huet de Guide du Futur Diplômé Tipps parat.

Sief et als Lycéesschüler, Unistudent oder Absolvent vun enger anerer Schoul, den Guide gëtt en Abléck an d’Méiglechkeeten, déi een nom Ofschloss huet. Esou gëtt zum Beispill de lëtzebuerger Rentesystem erklärt, et ginn praktesch Tipps wei een seng Bewerbung gestalten kann oder wou een Hëllef fir en Doktorat kritt an och d’Sécurité sociale ass nom Liese vum Guide kee Geheimniss mei. Am Guide du Futur Diplômé 2014 ginn et natierlech erëm eng Rei Neiegkeeten: Individuum gëtt Rotschléi wei een sech als Student am beschte verkeeft fir eng Platz ze fannen an verschidde Beruffer ginn erklärt. Och nach nei ass d’Date de mise à jour. Der kennt also genau nokucken wéini deen Artikel, deen der grad liest fir d’lescht geupdatet gouf.

De Guide du Futur Diplômé ass deemno Flichtlektür fir jidder Jonken deen de Start an d’Beruffsliewe wot. Bei weider Froen, kënnt der iech und e contact@acel.lu wenden. Vill Spaass beim Liesen vum neie Guide du Futur Diplômé.

Dir kennt ärt drockfrëscht Exemplar beim CEDIES op der Escher Strooss an der Staad, an enger Reih Lycéen, diversen Informatiouns , suwi a sämtlechen Agencen vun der Spuerkees kréién.

Neiegkeeten vu Studenten fir Studenten

Abonnéier den ACEL Newsletter. Du kanns dech zu all Moment ausdroen.



Mat klick op "Fäerdeg" bestätegs du, dass du mat eisen Datenschutzerklärungen averstanen bass an mir dir Mailen schécken dierfen bis du dech erëm vum Newsletter ofmells.