Erhéijung vun de Studiebäihëllefen

03.12.2015 16:00

Erhéijung vun de Studiebäihëllefen

No der Ëmfro iwwert d’‪Studiebäihëllef‬ hu mir an de läschte Méint mam Ministère verhandelt, fir de sozialen Ongerechtegkeeten vum aktuellem Gesetz entgéintzewierken. Dat ganzt huet zu enger Erhéijung vu bis zu 800.-€ an der Bourse sociale an zu enger Erhéijung vu 450.-€ an der Bourse de mobilité gefouert.

Säit September 2014 ass dat neit Gesetz iwwert d’Studiebäihëllefen a Kraaft. Ufank 2015 ass dunn eng Ëmfro vum Ministère an Zesummenaarbecht mat deenen anere Jugendorganisatiounen an der ACEL duerchgefouert ginn. Dëst, fir ze kucken ob, a wann jo wou, d’Gesetz muss nogebessert ginn. Am Avis vum September 2015 huet d’ACEL kloer duergeluecht dass d’Gesetz muss a verschiddene Punkten ugepasst ginn.

Des Fuerderunge goufen a verschiddene Seancë dem Staatssekretär Marc Hansen virgedroen an diskutéiert. Wéi de Ministère sech bereet erklärt huet Upassungen um aktuelle Gesetz virzehuele gouf och konkret iwwert d’Ëmsetzung vun de Modifikatiounen diskutéiert. Schlussendlech konnte béid Acteuren sech op eng Rei Mesuren eenegen déi an enger “Déclaration d’Intention” festgehale goufen an opgrond vun där de Ministère en Projet de Loi ausschaffe wärt.

Neiegkeeten vu Studenten fir Studenten

Abonnéier den ACEL Newsletter. Du kanns dech zu all Moment ausdroen.



Mat klick op "Fäerdeg" bestätegs du, dass du mat eisen Datenschutzerklärungen averstanen bass an mir dir Mailen schécken dierfen bis du dech erëm vum Newsletter ofmells.