Quizowend

De Quizowend ass en traditionellt ACEL-Event, dat all Joer um Ouschtersamschdeg stattfënnt. Kleng Ekippe kommen zesummen, fir hiert Wëssen, hiert Kombinatiounsverméigen an hiren Teamgeescht op d’Prouf ze stellen. A verschiddene Quizronne geet et ëm vill méi wéi nëmmen déi richteg Äntwert: Kreativitéit, eng gutt Taktik an heiansdo och e Quäntche Gléck maachen den Ënnerscheed.

Nieft dem kompetitive Spill steet virun allem de gemeinsame Moment am Mëttelpunkt. De Quizowend bitt eng Geleeënheet, fir sech iwwer d’Grenze vun den eenzelne Cerclen eraus ze begéinen, sech auszetauschen an zesummen en Owend ze verbréngen. Tëscht de Ronne bleift Zäit fir Gespréicher, e Patt an natierlech fir vill Diskussiounen doriwwer, wéi eng Äntwert dann elo déi richteg gewiescht wier.

Um Enn ginn déi erfollegräichsten Ekippe mat flotte Präisser belount. Am Virdergrond steet awer virun allem e fairen Teamwettbewerb, bei deem de Spaass, d’Begegnung an d’Studentegemeinschaft genee esou wichteg si wéi d’Punkten.

Traditionell fënnt dee selwechten Owend och eis Scheckiwwerreechung vum Gewënn vum Tournoi de Noël statt.