LSF

D’Lëtzebuerger Studenten zu Frankfurt, kuerz den LSF, regruppéiert 20 Studenten (an der Hoffnung dat et der ëmmer méi ginn) vun den Héichschoulen an Unien zu Frankfurt. Gegrënnt gouf den LSF Enn 2023 vun enger Handvoll Kolleege mam Zil eng Plattform ze schafen, wou sech Studente kenneléieren an austausche kënnen. Traditionell soll de Cercle also Kontakter erméiglechen, Informatiounen ubidden a fir een ongezwongent Matenee suergen. Eise Cercle probéiert Frankfurt méi attraktiv fir zukünfteg Studenten ze maachen, an e flotten an ofwiesslungsräiche Programm unzebidden.