Saufest

Griaß eich dir léif Saufestler*innen,

D’Fréijoer ass endlech virun der Dier an dir wësst alleguer, wat dat bedeit: D’Wiener Saufest geet an déi nächst Ronn!

Wéi gewinnt fënnt eist bekannt Saufest um Päischtweekend statt, wou mir iech dëst Joer vum 6. bis den 8. Juni ee Stéck Wien méi no bréngen an iech an eis Kultur antauchen loossen.

Dofir elo nach eng Kéier de ganzen Oflaf op e Bléck:

Freides, de 6. Juni 2025
* 19:00 Welcome Patt

Samsdes, de 7. Juni 2025
* Wéi d’lescht Joer starte mir rëm pünktlech um 12:00 Auer bäim Donauufer nieft dem Toni’s Inselgrill
* Fir all déi, déi mir dëst Joer fir d’éischt op eisem alljärleche Saufest begréissen däerfen, keng Panik, mir sinn net ze iwwersinn. Fir all eis bekannt Saufestler*innen ass et de selwechte Rendez-vous wéi déi Joere virdrun.
* Fir d’Mëttegiessen ass top gesuergt an do kënnt natierlech nëmmen ee Plat a Fro: eng knuspereg Sau vum Metzler! Fir déi, deenen dat näischt zouseet, hu mir selbstverständlech och vegetaresch Optiounen & dir hutt ëmmer d’Méiglechkeet är eege Saache fir op de Grill matzebréngen.
* De ganzen Dag gitt dir mat All you can drink Béier, Wäin, Spritzer a Softs verwinnt!
* Schwammsaache kann een och ëmmer gebrauche, fir déi, déi sech bäim gudde Wieder eng Ofkillung an der Donau siche wëlle goen.

Sonndes, 8. Juni 2025
* Well mir iech och e bësse Wiener Kultur versprach hunn, gi mir Sonndes zesummen an de Votivpark a maachen och een Tuer iwwert den Uni Campus. Fir déi, déi den All-Inclusive Package hunn, hu mir nach een Ofschlossiessen organiséiert fir de Weekend perfekt auskléngen ze loossen.

WICHTEG! Keen Ticketsverkaf Samsdes sur place, dofir biede mir iech äerch virdrun unzemellen a soumat am Viraus ze bezuelen.

Präisser fir NET Memberen:
30€ – just Samsdes Saufest op der Donau
50€ – All-inclusive Paket

Präisser fir Memberen:
10€ – just Samsdes Saufest op der Donau
30€ – All-inclusive Paket

Den Virverkaaf ass zou, Freides gëtt et nach eng Méiglechkeet Ticketen ze kaafen.

Mir freeën eis Päischten rëm ee legendären Weekend mat iech all zesummen ze verbréngen, bis geschwënn!

Ären LSW-Comité🐖