Skip to main content
Artikelen

D’Chambre des Métiers: De Partner vum Handwierk

By December 4, 2022No Comments

D’Chambre des Métiers: De Partner vum Handwierk

“D’Handwierk gestalt, gëschter wéi haut, d’Zukunft vu Lëtzebuerg, als kompetenten, performanten an zouverlässege Partner, deen sech an engem globaliséierte Marché behaapt, Trends antizipéiert a proaktiv handelt – als Referenz an de Beräicher Innovatioun, Digitalisatioun an Nohaltegkeet.”

D’Chambre des Métiers, regroupéiert all d’Betriber aus dem Handwierk, d.h. aus dem Liewensmëttelberäich, aus der Moud-Gesondheet-Hygiène, aus der Mechanik, aus der Konstruktioun an aus dem Kommunikatiouns- a Multimediaberäich. D’Chambre des Métiers representéiert esou en zentrale Pilier vun der Lëtzebuerger Wirtschaft an der Gesellschaft. #makersofluxembourg.

Wat mir maachen: MAKE. SHAPE. CREATE.

MAKE (it happen).

Den Esprit d’Entreprise promouvéieren, esou wéi Ënnerstëtzung ginn, bei der Grënnung, der Entwécklung an dem Iwwerhuele vun engem Betrib.

SHAPE (a favourable environment).

E gënschtegt Ëmfeld schaffe fir d’Entwécklung an d’Innovatioun vum Handwierk, dat en onverzichtbaren Acteur ass, fir op d’Megatrends vun haut a vu muer eng Äntwert ze ginn.

CREATE (performant learning opportunities).

Beruffunge schaffen, andeems de Persounen, déi eng Karriäre am Handwierk ustriewen, eng leeschtungsstaark Offer an der berufflecher Aus- a Weiderbildung zur Verfügung gestallt gëtt.

Handwierk – dat heescht, eng Vilfalt vu Beruffer a Karriärsméiglechkeeten an dat esouwuel fir Leit, déi fréi hir berufflech Ausriichtung an d’Handwierk gemaach hunn, ewéi och fir Quereinsteiger, déi méi spéit iwwer Ëmweeër an d’Handwierk fannen an déi spéider an hirer berufflecher Karriär festgestallt hunn, datt hiert d’Häerz fir d’Handwierk schléit.

An alle Beräicher vum Handwierk ass d’Nofro no jonken Talenter grouss.

Informéier och du dech iwwer deng Beruffs- a Karriärsméiglechkeeten bei der Chambre des Métiers!

Weider Informatiounen