ArtikelenCOVID19InstagramRepresentéieren

Areesbeschränkungen wéinst COVID-19

By September 19, 2020 June 9th, 2021 No Comments

Nodeems d’Infektiounszuelen zu Lëtzebuerg erëm geklomme sinn, hu verschidde Länner nei Restriktiounen ugekënnegt fir Leit déi aus Lëtzebuerg areesen. Och Lëtzebuerg huet ab dem 29. Januar Restriktiounen bei der Arees.


Lëtzebuerg

Ab dem 29. Januar 2021 muss jiddereen deen aus dem Ausland mam Fliger a Lëtzebuerg areest en negativen Test virweise kënnen, deen net méi al wéi 72 Stonnen ass. Dës Mesure zielt och fir d’Studenten. Wann ee awer mam Auto oder Zuch a Lëtzebuerg areest, brauch ee keen Test ze maachen.

Ab dem 05. Juni 2021 musse Leit déi aus Groussbritannien a Lëtzebuerg areesen en obligatoreschen Test maachen a mindestens 7 Deeg a Quarantän goen. Vum 6. Dag un, kann ee sech eng 2. Kéier teste loossen fir d’Quarantän fréizäiteg ze beenden. Falls ee keen 2. Test mécht, muss ee 14 Deeg a Quarantän. Ausserdeem mussen dës Persounen sech bei der Gesondheetsinspektioun mellen (contact-covid@ms.etat.lu oder per Telefon: 247-65533).


Frankräich

Säit dem Sonnden, 31. Januar 2021 muss jiddereen deen aus engem EU-Land a Frankräich areest en negative PCR Test virweise kënnen deen net méi al wéi 72 Stonnen ass. Och d’Studenten déi aus Lëtzebuerg a Frankräich areese brauchen en Test. Ausserdeem muss een eng Attestatioun ausfëllen: https://www.interieur.gouv.fr/Actualites/L-actu-du-Ministere/Attestation-de-deplacement-et-de-voyage

Méi Informatiounen dozou ginn et hei: https://www.diplomatie.gouv.fr/fr/conseils-aux-voyageurs/informations-pratiques/article/coronavirus-covid-19-31-janvier-2021

Eisen Informatiounen no brauch een och en negative PCR Test wann een op der Duerchrees a Frankräich ass, also am Transit, fir z.B. an d’Schwäiz ze fueren.


Éisträich

Säit dem 19. Mee 2021 muss een net méi a Quarantän wann een aus Lëtzebuerg an Éisträich areest. Allerdéngs brauch een en negtiven Test oder et muss een eng Genesung oder Impfung noweise kënnen. Et besteet och d’Méiglechkeet spéitstens 24 Stonnen no der Arees a PCR Test an Éisträich  ze maachen.

All d’Informatiounen fann dir hei: https://www.austria.info/de/service-und-fakten/coronavirus-situation-in-oesterreich/einreise-nach-oesterreich


Däitschland 

Säit dem 8. November muss een sech an Däitschland online registréieren, wann een aus engem Risikogebitt (dozou zielt Lëtzebuerg den Ament och) areest.

Umellen kann een sech um Site www.einreiseanmeldung.de 

Säit dem 12. Mee 2021 kënne Leit déi aus engem Risikogebitt kommen, zu deem och Lëtzebuerg zielt, sech teste loossen, fir d’Quarantän ze ëmgoen. Dofir muss en negatiivt Testresultat op www.einreiseanmeldung.de  héichgelueden ginn. Den Test kann ee fréistens 72 Stonnen virun der Arees maachen bis spéitstens 48 Stonnen no der Arees. Leit déi an de leschte 6 Méint Corona haten oder vollstänneg geimpft sinn, brauchen keen Test.

All d’Informatiounen fann dir hei: https://www.auswaertiges-amt.de/de/quarantaene-einreise/2371468#content_4


Holland

Säit dem 10. Juni 2021 musse Leit déi aus Lëtzebuerg an Holland areese keen negative PCR-Test méi virweise kënnen a si mussen och net méi a Quarantän.


Belsch

Säit dem 07. Juni 2021 ass Lëtzebuerg orange an der Belsch agestuuft. Leit déi aus Lëtzebuerg areesen, brauchen deemno keen obligatoreschen Test méi a mussen och net méi a Quarantän.

Persounen déi sech méi laang ewéi 48h Stonnen an d’Belsch ophaalen, mussen awer weiderhin dëse Formulaire ausfëllen: https://travel.info-coronavirus.be/fr


Schwäiz

Säit dem 3. Juli 2021 musse Leit déi aus Lëtzebuerg an d’Schwäiz areesen net méi a Quarantän, well Lëtzebuerg net méi als Risikogebitt ugesi gëtt. Wann ee mam Auto areest, brauch ee keen Test an et muss een och keen Einreiseformular ausfëllen. Wann ee mam Bus oder Zuch areest, muss ee weiderhin den Einreiseformular ausfëllen a wann ee mam Fliger areest muss ee souwuel den Einreiseformular ausfëllen wéi och e negativen PCR-Test virweise kënnen, ausser wann ee geimpft oder genesen ass an dat noweise kann.

All d’Informatiounen fënns du hei: https://www.bag.admin.ch/bag/de/home/krankheiten/ausbrueche-epidemien-pandemien/aktuelle-ausbrueche-epidemien/novel-cov/empfehlungen-fuer-reisende/quarantaene-einreisende.html


England

Vum 15. Januar 2021 un, muss jiddereen deen an England areest en negative COVID-19 Test virweise kënnen. Dësen Test hieft net déi 10 Deeg Quarantän op an trotzdeem ass den Test obligatoresch fir jiddereen deen aus engem anere Land an England areest. Méi Informatiounen dozou fann dir hei: https://www.gov.uk/government/speeches/international-travel-update-11-january-2021