De Studentebal

Den 13. Juli wäert den traditionellen Studentebal 2018 um 20h00 op der Wiss nieft dem P&R Bouillon stattfannen an erëm eng grouss Unzuel vun Studenten an Cerclen zesummebréngen.

Zesumme mat senge Cerclë wäert d’ACEL - de Studentevertrieder nees fir en onvergiessleche Bal suergen. Nieft dem normale Gedrénks bidden déi verschidde Cerclen och nees hier Special Drinks un, esou datt fir all Goût eppes do ass, an dat zu studentefrëndleche Präisser. Dës ginn op 13 Stänn vun 30 verschiddene Cerclen zerwéiert. Fir den Honger virun oder nom feieren suergt och dëst Joer nees ee Cercle, den LSK, sou dass dir net hongereg musst heem goen.

Musek

Dëst Joer suergen DJ´s Flex Diamond a Pero Diamond vun Ufank un fir déi richteg Musek bis spéit an d‘Nuecht!

Ticketen

Virverkaf-Bännercher ginn et ab elo bei deenen eenzele Cerclen an a folgende Caféen:

  • Café Beim Frank - Dikrech
  • Fabrik - Miersch
  • Snooze – Stad & Belval
  • Siegfried- Stad
  • Pitcher- Esch

Virverkaf: 10€
Oweskeess: 12€

Axxess Kaart

Fir déi Leit, déi eng Axxess Kaart bei der Entrée kënne virweisen, ginn et wéi déi läscht Jore Gedrénksbongen am Wäert vun 2€.

Happy Hour

Dir sidd ee schlaue Fuss, da kommt éischter op de Bal : Vun 20-22h ass Happy Hour!

Digicash

Dëst Joer hutt dir d'Méiglechkeet är Oweskeess mat Digicash ze bezuelen! Weider Infoe kommen hei awer no.

Facebook-Event

An der nächster Zäit wäerten ëmmer méi Informatiounen an Neiegkeeten zum Bal op eiser Facebook-Page oder op eisem Facebook-Event publizéiert ginn, ënner anerem wäert dir Entréesticketen a Gedrénksbonge gewanne kënnen. Also schnell liken an net är Chance verpassen: ACEL - de Studentevertrieder


Stänn

Hei fann dir och eng Lëscht mat all de Cercle déi bei der Editioun 2018 um Studentebal vertruede si mat hirem Special Drink:

  • AELK Karlsruhe: Tequila ; ALUS Stroossbuerg: Hot Lion
  • AELL Lausanne: Eischt Hëllef Sprëtz ; GDL Louvain: Berentzen ; LSZ Zürich: Kir Royal
  • ALEM Medizin: Transfusioun ; ALEP Psychologie: Delirium ; LBS Bts: LBS Néckel
  • ALESONTIA Bonn: Tingelmingel ; VLIB Berlin: Berliner Luft ;
    LSH Heidelberg: Melounenschnaps
  • AVL Oochen: Campari-O ; LST Tréier: Koma
  • CELB Bréissel: Bombe Bleue ; LSRM Rhein-Main: Laternchen
  • CELBAS Baschtnech:Sangria ; LSW Wien: Hugo
  • CELM Montpellier: Loony Flamingo ; LETZ'AIX Aix: Sex in Aix
  • ELAN Nanzeg: Nasty Nancy ; ELSIC Kommunikatioun: Elsicker ; LESTLE Léck: Peket Shot
  • FRIBLETZ Fribourg: Swiss Kiss Sprëtz ; SLUF Freiburg: Schwarzwälder Caipi
  • LSC Köln: Gin&Tonic ; LSM München: Blue Seppl
  • LSD Düsseldorf: LSD Shot ; LSS Saarbrécken: Saar Sun
  • LSI Innsbruck: Almojito ; LSNL Holland: Flying Dutchman ; SLSB UK: Jägerbomb
  • aACEL Anciens: Picon
  • LSK Kaiserslautern: Grillstand

Aftermovie 2016: Youtube

De Studentebal Aftermovie 2016

Neiegkeeten vu Studenten fir Studenten

Abonnéier den ACEL Newsletter. Du kanns dech zu all Moment ausdroen.



Mat klick op "Fäerdeg" bestätegs du, dass du mat eisen Datenschutzerklärungen averstanen bass an mir dir Mailen schécken dierfen bis du dech erëm vum Newsletter ofmells.